أشعار سوريا الجزء السابع

جيش الأسد ما بينضام

بأي عين عورا يا خاين

بجيش الأسد عم تنصب كماين

والجيش عرضك وصان أرضك

لكن ما عندك عرض باين

شو نفعك إن راح من الأرض عرضك

وكسبت من مال الدني خزاين

الجندي عسكري ولازم تجلّو

اللي رافع بيرقك والمجد صاين

حتى علم دولتنا يعلّو

يضوي عالقرى وينوّر مداين

افترض ابنك بين العساكر

انضرب برصاص ملعون ماجين

جوك الصافي لح يضل عاكر

بتحزن الروح ع َ دموع القراين

ليش تحرم وطن من ورودو

وبفعلك تيبس زهور الجناين

إن كان عندك قلب صافي

تجهد الوطن قول العوافي

كافي خيانة يا ملعون كافي

الوطن بيضل في عندو حناين

دخيلك قلي شو صار فيك

لوما الجيش يحمي أراضيك

بدل ما عالخير تبين مساعيك

صرت بالشر عالشيطان ماين

اتطلع شوف سوريا مزينة

ورب الكون بهالجنة معتني

فيها علم مرفوع من فوق الدني

اتذكر بين السما والأرض راينة

» أشعار سوريا الجزء الخامس
» أشعار سوريا الجزء السادس
» أغاني سوريا الجزء السابع نجوى كرم
» أشعار سورية الجزء الأول
» أشعار سورية الجزء الثاني